ما كنت أبي عطــــرك ..
و لانــي للخطا عشقان
أنا ما كنت أبي إلا أحس إنك تحبيني
وهبتك أجمل احساسي..
و جيت من الولـــه عطشان
لقيتك يا "بعـد عمـري"
حسافه ما.. تحسيني
كتبتك اعذب حروفــيقصيــده وزنـها ديــوان
قريتيـها ..
رميتيـها..
أبد ما كنــها سنيني
تجين من الفجر كذبه..
و عينك تخفـي العنوان
و اشوفك في سواد الليل
على الكذبه تمسيني
أنا جابتني الصدفه..
و هذي منة الرحمن
اشوفك توصفي لغيري..
صفات إلي وصفتيني
حبيبي يكفي اسلوبك..
أنا يكفيني البرهان
أنا ما أصدق ليش!!
و لكن شافتك عيني
سكتت..
و داخلي صرخه
تردد صمتها الجدران
حسافه..طاوعك
قلبك بلا ذنبٍ تبيعيني
ألومك!!
ما ألومك..
لا ألومه وقتي الخوان
عطيتك ألف معنى حب
و هذا إلي تجازيني!!
أنا ما أملك إلا قلب..
لكن للاسف تعبـــــان
كفاني منبع الاحزان تفجر به شراييني
احبك؟!..
ليه احبك!!
ليـــــه.. و اتـوه بعالمي حيرانو اشوف الناس من حولك
تشوفيهم و تنسيني
أحاول أكرهك..
لكن فؤادي ما كـــره إنسان
غريبه..
كيف هذا القلب يحب إلي جرح فيني!!
حبيبي..
داخلي كلمه عساها تشفي الوجدان
حبيبي..ما أقول إلا .. حــــرام إنك عرفتيني0
0